Иҫәнғол ауылы башҡорт гимназия интернаты сайты

13 апрелдә 7-се класс уҡыусыһы Яковлева Светлананың тәҡдиме менән «Бантик» акцияһы үткәрелде. Гимназия осоп йөрөгән күбәләктәрҙе хәтерләтте. Береһенән-береһе матур бантик таҡҡан ҡыҙҙар тағы ла нәзәкәтлерәк күренделәр. 14 апрель көнө дөйөм линейкала ҡатнашҡан был 20 ҡыҙға бүләк итеп бантиктар таҡтылар.

Яҙ етеп, көдәр йылынғас, һәр класс тышта күңелле тәнәфестәр үткәрә. Обруч, скакалка менән төрлө ярыштар, башҡорт халыҡ уйындарын уйнатыу ойошторола. Балалар оҙон тәнәфестәрҙе файҙалы, күңелле үткәрә. Уларға бик оҡшай.

12 апрелдә башҡорт гимназия-интернатының «Ҡарлуғастар» пионерҙар ойошмаһы космонавтика көнөнә арнап самбо буйынса «Гагарин кубогы»на ярыш үткәрҙе. Был байрамда 5,6,7 кластарҙың бөтә малайҙары ла ҡатнашты, судья ролдәрен 10-11 класс егеттәре башҡарҙы. Бәйге бик ҡыҙыу һәм ҡыҙыҡлы булды, үткәреүселәр секторҙары: Аллаяров Фәиз (7 класс), Мусаҡаев Рәнис (7 класс), Илтенбаев Ринат (6 класс), өлкән вожатый Ямғурова Әлиә Рәшитовна һәм тренер Исмәғилев Хөрмәт Хәмитович эштәренә яуаплы ҡаранылар, етешһеҙлектәр булманы.

30 кг тиклемге ауырлыҡта II урынды Ураҡаев Раян (5 класс), ... Артабан уҡырға

       26-28 март көнө «1812 йыл Ватан һуғышында яугир яҡташыма» арналған Әлшәй районы Раевск ҡасабаһында уҙғарылған «Башҡортостан ынйылары» Республика конкурс-фестивале булып үтте. Был конкурста Ейәнсура районы исемен яҡларға Иҫәнғол ауылы башҡорт гимназия-интернаты сығыш яһауы бәхете тейҙе. Бик абруйлы, сәмле конкурста тәүге тапҡыр ҡатнашыу, әлбиттә бик тулҡынландырҙы. Зона этабын үтеп барлыҡ республиканан иң көслө тип һаналған 15 район йыйылдылар бәйгегә. Ойоштороу кимәле шул тиклем юғары, 3 көнгә бүленгән конкурстың бер минуты ла бушҡа үтмәне, спорт уйындары, ял итеү кисәләре, экскурсиялар ҡаралған ине, был бай программа эстәлегендә.

       Һәм ниһайәт, 28 март сәғәт 12.00-дә һөҙөмт ... Артабан уҡырға

2011-12 уҡыу йылында бөтә яҡлап кластар араһында ярыш булды. Уҡыу, тәртип, бүлмәләрҙә, кабинеттарҙа таҙалыҡ, мәктәп формаһында йөрөү, режимды үтәү, сараларҙа ҡатнашыу һ.б. яҡлап кластар даими тикшерелеп, аҙна һайын линейкала отчет яһалды, балдар әйтелде. Уҡыусылар сәмләнеп, тырышып ярыштылар. Ярыш бик әүҙем барҙы. Бөтә яҡлап та еңеүсе булып, 6-сы класс 1 урынға сыҡты. Улар гимназия администрацияһы тарафынан республикабыҙ баш ҡалаһы Өфөгә путевка менән бүләкләнделәр.

Уҡыусылар 8-11-се кластар араһында ла еңеүсене билдәләүҙәрен һорағас, 1 урын 9 а класына бирелде.

22 март көнө гимназияла "Һаумы, һаумы әкиәт!" конкурсы булды.Унда 5-6 кластар араһынан 21 уҡыусы ҡатнашты. Ярыш бик көсөргәнешле үтте. Бөтәһе лә яҡшы әҙерләнгән, тырышҡандар. Уҡыусылар башҡорт, татар, урыҫ, эстон, эскимос, әрмән һ.б. халыҡ әкиәттәрен әҙерләгәндәр. Шулай ҙа башҡорт халыҡ әкиәттәренә өҫтөнлөк бирҙеләр. Урындар түбәндәгесә бүленде:
Гран-приға - Хантимерова Резедә (7-се класс) лайыҡ булды;
1 урын -  Аҙнабаева Алһыу (6-сы класс), Исмәғилева Фаягөл (5-се класс);
2 урын - Вәлиева Юлиә (7-се класс), Имелбаев Азат (5-се класс);
3 урын - Илтенбаев Ринат (6-се класс).