Сайт МОАУ Башкирская гимназия-интернат с. Исянгулово

Уҡытыусылар байрамы менән!!!

ziangimnazia — Fri, 05 Oct 2012 04:57:03 GMT

Хөрмәтле уҡытыусылар!
Һеҙҙе оло байрам Уҡытыусылар көнө менән Ҡайнар ҡотлабыыҙ. Эшегеҙҙә ижади үрҙәр, ныҡлы
һаулыҡ, ғаиләгеҙҙә именлек теләйбеҙ.

Уҡытыусым!
Түҙемлегең, ахыры, ҡая һымаҡ,
Ә күңелең тулы нур ғына.
Ябайһың да, бөйөкһөң дә үҙең,
Һиңә тиңме маҡтау, йыр ғына.

Гимназистҡа бағышлау

ziangimnazia — Wed, 19 Sep 2012 05:51:39 GMT

14 сентябрь көнө башҡорт гимназия-интернатында «Гимназистҡа бағышлау» исемле бик күңелле кисә булып үтте. Байрамды Хөсәйенова Зүлиә Салауат ҡыҙы һәм Ямғурова Әлиә Рәшит ҡыҙы 5 класс уҡыусыларына төрлө фигуралар таратып биреп, шулар ярҙамында һәр балаға ҡылыҡһырлама биреүҙән башланылар. Шунан һуң һәр класҡа яңы килгән уҡыусыларҙы алҡышлап сәхнәгә сығарҙылар, улар ҡыҫҡаса үҙҙәре менән таныштырҙылар.
«Гимназистҡа бағышлау» кисәһенең икенсе өлөшөндә төрлө ҡыҙыҡлы уйындар уйнанылар, концерт номерҙары менән сығыш яһанылар. Ойоштороусылар һәр бер яңы килгән уҡыусыға гимназист эмблемаһын таҡтылар.
Байрам күңелле дискотека менән тамамланды.

Бына тағын сыңлай көмөш ҡыңғырау

ziangimnazia — Wed, 05 Sep 2012 03:46:57 GMT

Бына күңелле йәйге каникулдар шаулап үтеп китте. Оҙайлы ялдан һуң уҡыуҙы һағынып өлгөргән балалар ҡулдарына гөлләмәләр тотоп, мәктәпкә ашҡындылар.
Беҙҙең яратҡан гимназиябыҙҙа ла Белем байрамын матур итеп үткәрҙеләр. Тантананы гимн менән асып ебәрҙеләр. Унан һуң алып барыусылар балаларҙы байрам менән ҡотлап, һүҙҙе гимназия директоры Назарова Гәүһәр Шәрифйәновнаға бирҙеләр. Ул 2011-2012 уҡыу йылының уңыштары тураһында һөйләне һәм алдынғы уҡытыусыларға, уҡыусыларға грамоталар тапшырҙы. Саҡырылған ҡунаҡтар ҙа балаларҙы ҡотлап сығыш яһанылар. Шулай уҡ, Ейәнсура районы хакимиәте вәкиле Әмир Ғүмәр улы Ноғоманов килгән ине. «Мое село — мое будущее» конкурсында урындар алыусы уҡыусыларға грамоталар һәм ҡиммәтле бүләктәр тапшырҙы.
Шунан инде, мәктәпкә тәү тапҡыр аяҡ баҫыусы 1-се синыф уҡыусыларына һүҙ бирелде. Шиғыр ятлап, йырлап байрамды йәмләнеләр. Һуңынан инде, тәүге ҡыңғырау яңғыраны һәм уҡыусылар класс етәксеһе менән бергә синыфтарға таралыштылар.

Белем усағы беҙҙе көтә!

ziangimnazia — Fri, 31 Aug 2012 09:39:09 GMT

Ҡәҙерле уҡыусылар!
Хөрмәтле уҡытыусылар һәм ата-әсәләр!

Бына тағы ла үҙ ишектәрен асып көтөп ала һеҙҙе белем усағы. Беҙ ҙур өмөттәр менән ҡаршы алабыҙ һеҙҙе. Яңы уҡыу йылында һеҙгә ҡыуаныстар, уҡыуға урелгәдә уңыштар насип булһын һәм дә ныҡлы һаулыҡ теләйбеҙ.

Башҡорт
гимназия-интернаты
хакимиәте

Гимназияға ҡабул ителгән уҡыусылар исемлеге

ziangimnazia — Fri, 17 Aug 2012 07:38:12 GMT

Беҙҙен башҡорт гимназия-интернатына 2012-2013 уҡыу йылына уҡырға ингән уҡыусыларыбыҙҙы ҡотлайбыҙ.

Бына улар:


5 класс

Аҡбашева Гөлназ Малай Муйнаҡ ауылынан
Аккубеков Хафиз Бикбау ауылынан
Сабиров Рәсүл Бикбау ауылынан
Моратова Гөлшан Иҫәнғол ауылынан
Юланова Аделя
Ганеев Рифат Кужабаҡ ауылынан
Куватов Рәлиф
Куйбагаров Гөлнәфис Мәзит ауылынан
Хәлитов Әлфир Ғәббәс ауылынан
Тухватуллина Алина Таҙлар ауылынан
Көнсыуаҡова Алһыу Мәзит ауылынан
Ҡолмөхәмәтов Фәнзил Бикбау ауылынан
Амакасова Дания Ғәббәс ауылынан
Тусалин Ильгизәр Кинйәбулат ауылынан
Юлтимиров Нурвиль Ново-Павловка ауылынан
Мунасипов Артур Иҫәнғол ауылынан
Исламов Эмиль Иҫәнғол ауылынан
Юлдыбаева Гөлсөм Сәғит ауылынан
Аккубекова Аделя Таҙлар ауылынан
Бикбаев Самат Әбүләис ауылынан
Мусина Элина Әбүләис ауылынан
Тулибаев Галинур


6 класс

Ишбаев Иҙел Ибрай ауылынан
Елҡыбаев Инсаф Байыш ауылынан
Куватов Ильназ Байыш ауылынан
Аҡсурина Әҙилә
Йылҡыбаева Гульназ Байыш ауылынан


7 класс

Ильясова Гөлсирен Бикбау ауылынан
Дәүләтбәкова Нәилә Утәғол ауылынан


8 класс

Нәбиуллина Руфина Таҙлар ауылынан
Йылҡыбаева Элина Таҙлар ауылынан
Ишбаев Ирәндек Ибрай ауылынан
Халитова Ләлә Иҫәнғол ауылынан

9 класс

Йылҡыбаев Ралиф Самаҙы ауылынан

Полиолимпиада һөҙөмтәләре

ziangimnazia — Wed, 23 May 2012 03:57:06 GMT

Хөрмәтле полиолимпиадала ҡатнашыусылар!

20 май 2012 йылда 4-се кластар өсөн үткәрелгән полиолимпиада һөҙөмтәләре менән бында таныша алаһығыҙ. Еңеүселәрҙе ысын күңелдән ихлас ҡотлайбыҙ! I, II, III урын алыусыларға уҡыу йылы аҙағына тиклем Почет грамоталарын ебәрербеҙ.

Бөтә ҡатнашыусыларға рәхмәт белделәбеҙ.

Башҡорт гимназия-интернатының хакимиәте

Үҙ белеменде һына

ziangimnazia — Mon, 14 May 2012 03:32:57 GMT

Внимание! Приглашаем обучающихся 4-х классов района 20 мая 2012 года в МОАУ башкирская гимназия-интернат с. Исянгулово на полиолимпиаду.
Полиолимпиада проводится по следующим предметам:

математика,
русский язык,
башкирский язык.

Победители и призеры Полиолимпиады награждаются Почетными грамотами гимназии-интерната. Результаты олимпиады учитываются при зачислении в башкирскую гимназию-интернат с. Исянгулово на 2012-2013 уч. год.
При себе необходимо иметь ручку, карандаш и свидетельство о рождении. Желательно присутствие одного из родителей.
По всем вопросам обращаться по тел. 2-77-84
E-mail: bashgimnazia@zianrcpi.ru
Сайт: ziangimnazia.ucoz.ru
Полиолимпиада состоится 20 мая в 10 часов по адресу: Зианчуриский р-н, с.Исянгулово, ул. Магистральная, 1

Ихтибар

ziangimnazia — Mon, 07 May 2012 11:41:57 GMT

Хөрмәтле дуҫтар!

Бөйөк Ватан һуғышында еңеүгә 67 йыл тула, был байрам Рәсәйҙә тыуған һәм йәшәгән һәр кешенең йөрәгенән үтеп инергә тейеш һәм мәңгелеккә үҙ күңелендә был байрамды яҡынайтҡан ата-баларын онотмаҫҡа тейеш. Беҙ ҙә иҫтәлек өсөн һеҙгә георгий таҫмаһын бүләк итәбеҙ. Был таҫманы теләгән ергә күсереп ҡуя алаһығыҙ.

Еңеүгә 67 йыл!

ziangimnazia — Mon, 07 May 2012 11:19:56 GMT

Еңеүгә 67 йыл!

Хөрмәтле ветерандар!

Һеҙҙең торшош юлы - оло тарих,

Күптәр өсөн өлгө булырлыҡ.

Рәхмәт тибеҙ һеҙгә ысын йөрәктән,

Һеҙҙең ғүмер - беҙгә ғорурлыҡ!

Донъя рәхәттәренә кинәнеп, ҡыуанып, бәрәкәтле имен тормошта йәшәргә яҙһын. Хоҙай һеҙҙе сәләлмәтлектән, күңел тыныслығынан айырмаһын.

Изге теләктәр менән гимназияның уҡытыусылары, тәрбиәселәре һәм уҡыусылары

КВН "Сәләмәт тәндә-сәләмәт рух!"

ziangimnazia — Fri, 04 May 2012 03:51:39 GMT

«Сәләмәт тәндә — сәләмәт рух!» КВНы күңелле үтте.

26 апрель көнө «Ҡарлуғастар» балалар ойошмаһы Һаулыҡ аҙналығы айҡанлы 5-8 класс уҡыусылары араһында « Сәләмәт тәндә — сәләмәт рух!» тип аталған КВН үткәрҙе. Был сараның маҡсаты булып сәләмәт йәшәү рәүешен пропагандалау торғанға күрә, барлыҡ конкурстар ҙа темаға ҡағылышлы булды.


Был конкурстың программаһында түбәндәгеләр булды :
Визитка.
Сәләмәт тормош тураһында реклама күрһәтеү.
Сәләмәт тормош тураһында викторина.
Ҡуяндар, пингвиндар, айыуҙар булып иртәнге зарядка эшләү.
Сәләмәт тормош тураһында стенгазета эшләү һәм яҡлау.
Төрлө бейеү көйҙәренә ярышып бейеү.
Уҡыусылар бөтә ярыш төрҙәрендә лә актив ҡатнаштылар. Бигерәк тә
8 класс уҡыусыларының « Сәләмәттәр» командаһы үҙҙәренең ҡыҙыҡлы, төрлө яҡлы һәм темаға ҡағылышлы сығыштары менән тамашасыларҙы таң ҡалдырҙылар.
7класс уҡыусыларының « Тиктормаҫтар» командаһының музыкаль номерҙары, хайуандар булып зарядка эшләүҙәре бик оҡшаны.
5 һәм 6 класс уҡыусыларының «Күңелле роботтар» һәм «Спортсмендар» командаларының визиткалары, стена гәзиттәре бик үҙенсәлекле булды.
Жюри ағзалары кәңәшләшкәндән һуң, 1-се урынды 7 класҡа, 2-се урынды 5 класҡа, 3-сө урынды 6 класҡа бирҙеләр, ә гран при 8 класс уҡыусыларына насип булды. Был байрамдан уҡыусылар ҙа, уҡытыусылар ҙа күтәренке кәйеф менән, рухи яҡтан көс алып таралыштылар.