Иҫәнғол ауылы башҡорт гимназия интернаты сайты

«Бер көнөм дә изгелекһеҙ үтмәһен!» тигән девиз менән йәшәйҙәр башҡорт гимназия-интернатының «Ҡарлуғастар» пионерҙар ойошмаһы уҡыусылары. Улар, изгелектең һәр ваҡыт яуызлыҡтан өҫтөн торорға тейешлеген иҫбат итеү маҡсатында, республика кимәлендә үткәрелгән

«Изге эштәр эшләйбеҙ» акцияһында актив ҡатнашалар.

5 - 6 класс уҡыусылары ҡышлаусы ҡоштар өсөн ағастарға тағараҡтар эшләп элделәр, аҙна һайын уларға ем һалып торалар.

7- 8 класс уҡыусылары ай һайын һуғыш һәм хеҙмәт ветерандарына тимур командаһы менән өй эштәре эшләргә, ҡар көрәргә йөрөйҙәр.

Сентябрь, октябрь айҙарында бөтә уҡыусыларыбыҙ ҙа экологик өмәләрҙә актив эшләнеләр, юл буйҙарына, гимназия биләмәһенә ҡарағай үҫентеләре ултырттылар.

Башҡортостан Республикаһы үҙаллылығы көнө уңайынан үткәрелгән

йәрминкәлә уҡыусылар берҙәм ҡатнаштылар һәм 1-се урын яуланылар.